Aeētēs erat rēx Colchidis et pater Mēdēae et Absyrtī. Peregrīnus Iāsōn rogāverat ut Aeētēs eum et quīnquāgintā nautās salūtāret. Hī virī erant Argonautae quia in nāve, quae erat Argō, nāvigābant. Aeētēs nesciēbat multum dē hōc Iāsōne et hīs Argonautīs.
Aeētēs ūnum dē hīs Argonautīs sciēbat. Hī Argonautae per Symplēgadēs tūtē nāvigāverant. Quis per Symplēgadēs tūtē nāvigāret? Multī nautae interfectī erant ubi per Symplēgadēs nāvigāverant. Hic peregrīnus et hī Argonautae, autem, tūtī erant! Quā dē causā Aeētēs putābat deam auxilium Iāsōnī certē dare.
Aeētēs nescīvit quid peregrīnus vellet habēre an vellet agere in Colchide. Sī dea auxilium peregrīnō dabat, quid Aeētēs agere posset? Iāsōn fortasse edere et bibere volēbat. Iāsōn fortasse volēbat Aeētam esse amīcum. Vah! Fortasse Iāsōn contra Aeētam pugnāre volēbat! Fortasse Iāsōn vellus aureum volēbat! Fortasse Iāsōn fīliam pulchram eius, Mēdēam, habere volēbat! Aeētēs nōlēbat Mēdēām esse uxōrem peregrīnī!
Aeētēs nescīvit quid peregrīnus vellet. Quā dē causā, Aeētēs ānxius erat. Iāsōn certē aliquid magnī mōmentī habēre volēbat. Sī Iāsōn vellet habere aliquid et Aeētēs id dare nōllet, Aeētēs contrā Iāsōnem pugnāret. Aeētēs dēfenderet vellus aureum, Mēdēām, et Colchida. Sī dea auxilium Iāsōnī daret, Aeētēs rogāret ut deī Colchidis auxilium darent! Fīlia etiam erat sacerdōs Hecatēs, et sciēbat multa.
Aeētēs vīdit Absyrtum et Mēdēam venīre.
"Absyrte, Mēdēa, bene vēnistis," Aeētēs dīxit.
"Pater, scīsne quid hī nautae velint?" Absyrtus rogāvit.
"Ego certē nesciō," Aeētē respondit.
"Mēdēa omnia per somnium vīdit," Absyrtus dīxit.
"Absyrte! Nōn omnia vīdī!" Mēdēa rīdēns clāmāvit.
"Quid per somnium vīdistī, Mēdēa?" rēx Aeētē rogāvit.
"Pulch—" Absyrtus dīcere incēpit.
"—vīdī peregrīnum et quīnquāgintā nautās ventūrōs esse Colchida, pater," dīxit celeriter Mēdēa.
Absyrtus rīsit, sed Aeētēs nōn rīsit.
"Fīlia, hī peregrīnī sunt fortēs virī, et possunt pugnāre contrā nōs. Iāsōn fortasse vult habēre aliquid magnī momēntī. Sī necesse est nōbīs pugnāre contrā peregrīnus, tū faciēs pōtiōnēs tūās. Necesse fortasse sit tibi facere pōtiōnēs malās, nōn bonās."
Absyrtus nōn rīsit.
"Sciō tē nōlle facere pōtiōnēs malās et tē hās pōtiōnēs numquam fēcisse. Hī Argonautae fortasse velint habēre aliquid magnī mōmentī, et nōn possīmus dare id Argonautīs. Sī Argonautae volunt magnī mōmentī, necesse est nōbīs scīre quid agāmus," respondit Aeētēs.
"Agam quid necesse sit. Ego fīlia rēgis, sacerdōs Hecatēs, et maga sum. Sī necesse nōbīs erit, ego etiam dēfendam Colchida," dīxit Mēdēa.
Mēdēa, autem, nescīvit quid necesse eī esset agere. Mēdēa nescīvit quō amor eam ferret.
"Bene dīcis. Tū es optima fīlia, sacerdōs, et maga. Ego sciō tē dēfēnsūram Colchida," Aeētēs respondit.
"Fortasse nōn necesse nōbīs erit contrā eōs pugnāre," Absyrtus dīxit.
"Nōs mox sciēmus, Absyrte. Dēbēmus nunc salūtāre peregrīnum Iāsōnem et nautās. Eāmus ut salūtēmus eōs," rēx Aeētēs respondit.
l